Is gailearaí proifisiúnta é 'An Gailearaí' atá a reáchtáil ag Gailearaí na gCroisbhealaí Teo. A bhuí don tionscadal seo, atá lonnaithe i nGaeltacht Dhún na nGall, cuirtear dearcealaín chomhaimseartha den chéad scoth ar taispeántas don phobal. Mar pháirt dár gclár taispeántais bliaintúil, cuirimid deiseanna agus tacaíocht ar fáil chun cuidiú le healaíontóirí a gcuid saothar a chur i gcrích agus a chur ar taispeántas. Tá spéis ar leith ag 'An Gailearaí' i bhforbairt agus i gcoimisiniú saothar a úsáideann foinsí cultúrtha traidisiúnta agus/nó a léiríonn céadfaíocht Gaeltachta. Tá an Gailearaí ag feidhmiú mar chosantóir náisiúnta do mhothú cultúrtha comhaimseartha ar mhaithe leis an eispéireas seo a leathnú agus a chur chun tosaigh in ionaid agus in áiteanna eile trí chamchuairteanna a thabhairt orthu.

"Dinnseanchas II" Bernadette Cotter & Nuala Ní Dhomhnaill 31.10.2009 go dtí 19.12.2009

Dinnseanchas l 2008 In earrach na bliana 2008, chuidigh Nuala agus Bernadette le grúpa pobail as ceantair Theilinn – Gleann Cholm Cille – Cill Chartaigh, i nDeisceart Dhún na nGall, Dinnseanchas áitiúil a bhailiú agus a thaifeadadh. Faoi Mheán Fómhair 2008, bhí na scéalta logánta seo aistrithe isteach ina saothair dearcealaíne. Cuireadh na torthaí ar taispeántas le linn Féile na gCruach Ghorm. Fuair an togra maoiniú agus tacaíocht ó Ealaín na Gaeltachta, Comhairle Chontae Dhún na nGall, An Chomhairle Ealaíon, Coiste Gairmoideachais Dhún na nGall, Oideas Gael agus Áislann Chill Charthaigh. Rinne Ciarán Fogarty scannán dar teideal ‘Tobar Cnapastún’.
Dinnseanchas ll 2009
Roghnaigh Nuala agus Bernadette Dinnseanchas ‘Cnoc Áine’ agus rinne siad forbairt ar an taispeántas ilmheán agus ildisciplín, ‘Snáithín Áine’, a cuireadh ar taispeáint sa Ghailearaí i mí Dheireadh Fómhair, 2009. Bhí an togra seo maoinithe ag Ealaín na Gaeltachta, An Chomhairle Ealaíon agus Comhairle Chontae Dhún na nGall. Ba é Danny McCafferty a rinne an eagarthóireacht dheiridh scannánaíochta agus fuaime ar an ábhar digiteach a bhí in éineacht leis an taispeántas, bunaithe ar phíosaí scannáin a rinne Ciarán Fogarty.
Ba é Gailearaí na gCroisbhealaí, An Fál Carrach, Co Dhún na nGall, a rinne coimisiniú, comhordú agus riarachán ar an togra seo.
Rannpháirtithe: Caitlín Mhic Fhionngaile, Seosaimh Ó Gallachóir, Mick McGinley, Seán Ó Beírn, Seán Ó Brádaigh, Máire Mhic Fhionngaile, Máire Ní Chasaide, Caroline Ní Chasaide, Carmel Butler, John Matthews, Christina Daly, Dymphna Towell agus Rang 6 Scoil Náisiúnta Chill Charthaigh


An taispeántas seo ar siúl ón Dé Sathairn 31. Deireadh Fómhair go dtí 19. Nollag 2009. Bíonn An Gailearaí oscailte Dé Mairt – Dé hAoine, ón 10 r.n. go dtí 5 i.n., agus Dé Sathairn ón 1 i.n. go dtí an 5 i.n. nó ceaptha go speisialta.
Teagmháil; Teil/facs: 074 9165594 / Ríomhphost: ceardlann@eircom.net / Suíomh Gréasáin: www.angailearaí.com

An Taispeántais Láithreach



Comhaltaí den Bhord
Tom Walsh
Dr. Lillis Ó Laoire
Patricia McBride
Celine Haran
Frank Kelly
Úna Campbell







////////////////////////////////////////////////////////////